ईमेल पाठवणाऱ्याने मुंबई विमानतळावरील बॉम्बस्फोट रोखण्यासाठी ४८ तासांच्या आत बिटकॉईनमध्ये दहा लाख डॉलर्स देण्याची मागणी केली आहे, असे पोलिसांनी सांगितले.
मुंबई आंतरराष्ट्रीय विमानतळाला गुरुवारी मुंबईच्या छत्रपती शिवाजी महाराज आंतरराष्ट्रीय विमानतळाचे (CSMIA) टर्मिनल 2 उडवण्याची धमकीचा ईमेल प्राप्त झाला. हा स्फोट टाळण्यासाठी धमकीचा ईमेल पाठवणाऱ्याने ४८ तासांच्या आत बिटकॉइनमध्ये १ दशलक्ष डॉलर्स भरण्याची मागणी केली आहे, असे सूत्रांनी सांगितले.
मुंबई पोलिसांनी दिलेल्या माहितीनुसार, सहार पोलिसांनी “quaidacasrol@gmail.com” हा ईमेल पत्ता वापरून धमकी देणारा ईमेल पाठवणाऱ्या अज्ञात व्यक्तीविरुद्ध गुन्हा दाखल केला आहे. पोलिसांनी पुढे सांगितले की, गुरुवारी सकाळी 11.06 वाजता मुंबई इंटरनॅशनल एअरपोर्ट लिमिटेड (MIAL) च्या फीडबॅक इनबॉक्समध्ये मेल पाठवण्यात आला.
मेलमध्ये काय लिहिले होते ते येथे आहे:
धमकी देणार्‍या मेलमध्ये असे लिहिले होते: “विषय: स्फोट. मुख्य भाग: ही तुमच्या विमानतळासाठी अंतिम चेतावणी आहे. बिटकॉइनमधील एक दशलक्ष डॉलर पत्त्यावर हस्तांतरित केल्याशिवाय आम्ही टर्मिनल 2 48 तासांच्या आत विस्फोट करू. 24 तासांनंतर आणखी एक अलर्ट दिला जाईल.”
या धमकीनंतर विमानतळावर सुरक्षा व्यवस्था वाढवण्यात आली आहे.
