“हा ४२-४५ दिवसांचा ८०० किमीचा प्रवास तरुण पिढीमध्ये आत्मविश्वास निर्माण करेल. त्यामुळे गावातील तरुणांना प्रोत्साहन मिळेल. त्यातून पुढच्या पिढीसाठी परिवर्तनाची बीजे पेरली जातील, असे शरद पवार म्हणाले.
आपल्या मागण्यांसाठी रस्त्यावर उतरलेल्या राज्यातील तरुणांकडे दुर्लक्ष केल्यास महाराष्ट्रातील सत्ताधारींना त्याचे परिणाम भोगावे लागतील, असे राष्ट्रवादीचे अध्यक्ष शरद पवार यांनी मंगळवारी सांगितले.
राष्ट्रवादी काँग्रेसचे आमदार रोहित पवार यांच्या नेतृत्वाखाली ‘युवा संघर्ष यात्रे’च्या पुणे ते नागपूर या ८२० किलोमीटरच्या पदयात्रेला ज्येष्ठ नेत्यांनी हिरवा झेंडा दाखवला. यात्रेची सुरुवात पुणे स्टेशन येथील बाबासाहेब आंबेडकर यांच्या पुतळ्याला पुष्पहार अर्पण करून झाली आणि त्यानंतर महात्मा फुले वाडा आणि लाल महालाला भेट दिली. टिळक स्मारक मंदिरात राष्ट्रवादी काँग्रेस पक्षाचे अध्यक्षांनी युवकांना संबोधित केले.
