वर्धा : जिल्ह्यातील चारही विधानसभा मतदारसंघात भाजपचे चारही उमेदवार मतात मोठी आघाडी घेत असल्याचे चित्र आहे. हिंगणघाट येथे समीर कुणावार यांनी शरद पवार गटाचे अतुल वांदिले यांच्यावर पहिल्या फेरीपासून मात देणे सुरू केले. आता ते दहा हजर मतांनी आघाडीवर आहे. आर्वीत भाजपचे सुमित वानखेडे हे विक्रमी विजय नोंदविण्याची चिन्हे आहेत. ते सध्या १५ हजार मतांनी काँग्रेसच्या मयुरा काळे यांच्यापेक्षा आघाडी घेऊन आहेत.
सर्वात धाकधूक वर्ध्यात भाजपला वाटत होती. कारण पहिल्या फेरीपासून काँग्रेसचे शेखर शेंडे हेच आघाडी ठेवून होते. ही मतमोजणी सेलू ग्रामीण भागातील होती. मात्र वर्धा शहरलगतचा ग्रामीण भाग सुरू होताच भोयर हे वेगाने पुढे निघाले. पडलेला खड्डा भरून काढत ते पुढे निघाले. प्राप्त माहितीनुसार, त्यांना १७ हजार मतांचे मताधिक्य आहे.
What’s your Reaction?
+1
+1
+1
+1
+1
+1
